Carta ao Manuel Maria de REMOL - 43 - "Mensaxe a Manuel Curros Enríquez"

Caro Manuel que sem dúvida andas nos céus

com o teu tocaio ou teu homónimo Curros

a preparar a chegada duma República Celestial!

Mas, não advertis que o regedor maior nesse "sítio

distinto" é já o gema ou gromo das Repúblicas terrenais

que pelo planeta Terra há, houve e haverá segundo a teologia

trinitária? Três em uno, triunvirado ou, antes, triumulierado (sic),

já que sem dúvida a instância criadora tem de ser feminina por pura

precisão biológica: como é que os varões podem engendrar novos seres,

mesmo sendo habitantes do hiperurânio parcialmente visível para as almas

já desligadas do corpo? Desculpa a deriva antinatural que tomava o me poema.

Sei que tu, poeta, agora, hic et nunc, cavalgas ideologicamente entre o republicano

espanhol Curros Henriques e o nacionalista galego Bautista Álvarez, a quem dedicas

o poema ... "Para Bautista Álvarez". Errarei se opino que te congraças, que pretendes, oh!,

harmonizar, reconciliar e mesmo amistar (provisoriamente?) ambas as ideologias políticas ...

Contudo, do Curros salientas o facto de o Progresso ser

a verdade, embora fosse lutador incansável e até

fogo e sal da Galiza, "nossa Terra". Como concilias

essa verdade, Manuel, com a escuridade assugalada

na chuva em que se acha a Galiza, ermo coberto

da miséria, da fame, das aranheiras que povoam

as silveiras, onde Curros Henriques procurou

sementar liberdade, que afinal foram comestas

por ervas ruins, corvos negros, ratos famentos ...

::::::::

O pensamento, a ideologia do Curros acha-se resumida no seu poema "O velho e o sapo",

que canta Pucho Boedo, acompanhado por Os Tamara:

no youtube https://www.youtube.com/watch?v=UDIGPI7iqZE

Da aldea lonxana fumegan as tellas;

Detrás dos petoutos vai póndose o sol;

Retornan prós eidos coa noite as ovellas

Tiscando nas beiras o céspede mol.

Un vello, arrimado nun pao de sanguiño,

O monte atravesa de cara ó pinar.

Vai canso; unha pedra topóu no camiño

E nela sentóuse pra folgos tomar.

-¡ai! -dixo-, ¡qué triste!

¡qué triste eu estóu!

I on sapo, que oía,

Repuso: -¡cro, cro!

¡ás ánemas tocan! ... tal noite como ésta

Queimóuseme a casa, morréume a muller;

Ardéume a xugada na corte, i a besta,

Na terra a semente botóuse a perder.

Vendín prós trabucos bacelos e hortas

E vou polo mundo de entón a pedir;

Mais cando non topo pechadas as portas

Os cans sáienme a elas e fanme fuxir.

- canta, sapo, canta;

Tí i eu ¡somos dous! ... -

I o sapo choroso,

Cantaba: -¡cro, cro!

Soliños estamos entrambos na terra.

Mais nela un buraco tí alcontras i eu non;

A ti non te morden os ventos da serra,

I a min as entranas i os ósos me rón.

Tí, nado nos montes, nos montes esperas,

De cote cantando, teu térmeno ver;

Eu, nado entre os homes, dormendo entre as feras,

E morte non hacho, si quero morrer.

-xa tocan ... recemos,

¡que dicen que hai dios! ...-

El reza, i o sapo

Cantaba: -¡cro, cro!

A noite cerraba, i o raio da lúa

Nas lívidas cumes comenza a brillar;

Curisco que tolle nos álbores brúa

I escóitase ó lexos o lobo oubear.

O probe do vello cos anos cangado

Erguéuse da pedra i o pau recadóu;

Viróu para os ceos o puño pechado,

E cara ós touzales rosmando marchóu ...

Cos ollos seguíndoo

Na escura estensión,

O sapo quedouse

Cantando: ¡cro, cro!.